စာမေးပွဲအမှတ်တွေကောင်းစေဖို့

စာမေးပွဲအမှတ်တွေကောင်းပြီး အမြဲရှေ့ရောက်နေတဲ့ ကျောင်းသားတွေကို တွေ့ဖူးကြမှာပါ။ TV ဇာတ်လမ်းတွဲတွေ၊ ရုပ်ရှင်တွေထဲမှာလည်း မကြာခဏတွေ့ရတတ်တာပေါ့။ ရုပ်ရှင်တွေထဲ ရိုက်ပြကြတာတော့ စာအုပ်ပုံထဲနစ်မြှုပ်နေတာ၊ စာအုပ်နဲ့မျက်နှာမခွာတာ၊ ကိုယ်လက်လှုပ်ရှားအားကစားတွေစိတ်မဝင်စားတာ၊ ပေါင်းသင်းဆက်ဆံရေးညံ့ဖျင်းတာ စသည်ဖြင့် စာကြိုးစားပုံကို ဖော်ပြကြပါတယ်။ Domenica Roman နှင့် Paul Melendres တို့အကြောင်းအရင် ဖတ်ကြည့်ပါ။ Roman က Fairmont (W.Va.) Senior High School ရဲ့ တင်းနစ်အသင်းဝင်ပါ။ ကျောင်းခရစ်ယာန်ဓမ္မတေးအဖွဲ့မှာလည်းဝင်ဆိုပါတယ်။ ကျောင်းသားသမဂ္ဂမှာလည်း ဝင်လုပ်ပါတယ်။ သင်္ချာအဖွဲ့မှာလည်း အဖွဲ့ဝင်ဖြစ်ပါတယ်။ နှစ်နှစ်လုံးလုံး grade-point average (GPA) 4.0 ရထားပါတယ်။ Melendres ကတော့ University of New Mexico က ကျောင်းသားသစ်တစ်ယောက်ပါ။ အထက်တန်းကျောင်းတုန်းက ကျောင်းသားအဖွဲ့ ဥက္ကဌလုပ်ခဲ့ပါတယ်။ အခု တက္ကသိုလ်ဘောလုံးအသင်းမှာ၊ တက္ကသိုလ်ဘက်စကက်ဘော အသင်းမှာ ဝင်ကစားနေပါတယ်။ Science fair မှာ ဝင်ပြပါတယ်။ သူ့ကို National Honor Society နှင့် National Association of Student Councils က အဖွဲ့ဝင်အဖြစ်ရွေးချယ်ပါတယ်။ တက္ကသိုလ်ပုံမှန်အတန်းမှာ GPA 4.4 ရထားတာကြောင့် စာသင်နှစ်အကုန် နှုတ်ဆက်အခန်းအနားမှာ ကျောင်းသားအားလုံးကိုယ်စား နှုတ်ဆက်စကားပြောရပါတယ်။ Roman နဲ့ Melendres တို့ ဘယ်လိုလုပ်ကြပါလိမ့်။ ဦးနှောက်ကောင်းရုံတစ်ခုတည်းတော့ မဟုတ်ဘူး။ ရလဒ်ကောင်းတဲ့ ကျောင်းသားတွေကို အထူးပြုလေ့လာထားတဲ့ Chicago မှ University of Illinois ပညာရေးပါရဂူ Herbert Walberg ရဲ့အဆိုအရ ရလာဒ်ကောင်းကောင်း၊အမှတ်ကောင်းကောင်းဆိုတာ စာတော်တဲ့သူပဲ ရတာမဟုတ်ပါဘူးတဲ့။ မွေးရာပါအရည်အချင်းတွေကို အကုန်အစင်ထုတ်ယူသုံးတတ်တာနဲ့ပဲ ဆိုင်ပါတယ်တဲ့။ နောက်ပြီး IQ မြင့်တဲ့ ကျောင်းသားတွေဟာ တစ်ခါတစ်လေ IQ နိမ့်သူတွေလောက်တောင် ရလာဒ်တွေမကောင်းပါဘူး။ သူတို့အဖို့ စာကျက်ရတာ အပန်းမကြီးဘူးလို့ ယူဆသွားတတ်တာကြောင့် စာလုပ်တဲ့ဘက် သိပ်မရောက်ဖြစ်တော့ဘူးလို့ ဆိုပါတယ်။ ပြင်းပြင်းထန်ထန် ကြိုးစားတာလည်း အဓိကအဆုံးအဖြတ်မဟုတ်သေးပါဘူး။ A ရတဲ့ကျောင်းသားတွေရဲ့ interview တော်တော်များများမှာ ကြားရတာက စာအုပ်ပုံထဲမှာ ဘယ်လောက်ကြာကြာထိုင်နေသလဲဆိုတာ အရေးမပါပါ။ ထိုင်နေစဉ် ဘာလုပ်နေတယ်ဆိုတာပဲ အရေးကြီးတာ။ အချို့ ကျောင်းသားတွေဆို သူတို့လောက်အမှတ်မကောင်းတဲ့ ကျောင်းသားတွေလောက်တောင် အိမ်စာအတွက် အချိန်သိပ်မပေးကြပါဘူး။ ပညာရေးကျွမ်းကျင်သူတွေနဲ့ ကျောင်းသားတွေကိုယ်တိုင်ဆီက အနှစ်ချုပ်ထုတ်ယူကြည့်တဲ့အခါ ဦးစားပေးအလုပ်ကို ဦးစားပေးပါ။ ထိပ်တန်းကျောင်းသားတွေဟာ စာကြည့်ချိန်မှာ မည်သည့်အနှောက်အယှက်မှ အဝင်မခံပါ။ စာကြည့်ဖို့ စာအုပ်ဖွင့်လိုက်တာနဲ့၊ computer ဖွင့်လိုက်တာနဲ့ ဖုန်းလက်ခံဖြေကြားခြင်းမရှိ၊ TV ထကြည့်ခြင်းမရှိ၊ မုန့်ထစားခြင်းမရှိပါ။ Study is business; business comes before recreation. နေရာမရွေး စာကြည့်နိုင်ရမည်။ Cladue Olney ဟာ Arizona ပြည်နယ်တက္ကသိုလ် business professor ပါ။ တစ်ခါမှာ စာမေးပွဲကျရှုံးတဲ့ အားကစားသမား ကောလိပ်ကျောင်းသားတွေကို နည်းပြဖို့တာဝန်ပေးခံရပါတယ်။ အဲဒီအထဲ နေ့တိုင်းလေ့ကျင့်ခန်းဆင်းတဲ့ အပြေးသမားကျောင်းသားတစ်ယောက်ပါတယ်။ Olney ကသူ့ကို biology terms တွေ အချိန်ပေးကျက်ခိုင်းရပါတယ်။ အဲဒီမှာ အခြားကျောင်းသားတစ်ယောက် ဆေးသေတ္တာမှာ vocabulary တွေကပ်ထားရာက အပြေးသမားကျောင်းသားဟာ နေ့စဉ်သွားတိုက်ရင်း စကားလုံးအသစ်တစ်လုံးစီ ကျက်သွားပါသတဲ့။ ကျောင်းသားတွေ စာကျက်ချိန်ပေးပုံကတော့ သူ့အကြိုက် ကိုယ့်အကြိုက်မတူပါ။ အချို့က ညတိတ်ဆိတ်ချိန်မှ စာလုပ်ပါတယ်။ အချို့က စောစောထ စာလုပ်တယ်။ အချို့က ကျောင်းကအိမ်ပြန်ရောက်ရောက်ချင်း စာနဲ့စိတ်အမျှင်မပြတ်သေးခင်မှာ စာလုပ်တယ်။ အားလုံးတစ်ညီတည်းပြောကြတာက ဘယ်အချိန်ပဲလုပ်လုပ် စွဲစွဲမြဲမြဲလုပ်ဖို့ပါပဲ။ စုစုစည်းစည်း စနစ်တကျရှိပါ။ တက္ကသိုလ်တွင်းအပြေးပြိုင်ပွဲ၊ ရပ်ဂ်ဘီဘောလုံးပြိုင်ပွဲတွေဝင်ပြိုင်လေ့ရှိပြီး တီးဝိုင်းမှာလည်းပါဝင်ဆင်နွှဲလေ့ရှိတဲ့ ကျောင်းသားတစ်ယောက်က “ကျွန်တော်သိပ်အလုပ်များတယ်၊ ရေးစရာဘောပင်၊ စာရွက်လိုက်ရှာနေရတာနဲ့ အချိန်ကုန်မခံနိုင်ဘူး။ အားလုံးကိုလက်လှမ်းမီတဲ့နေရာမှာ နေရာတကျသိမ်းတယ်။” ဟုဆိုပါတယ်။ Melendres က ကွန်ပြူတာမှာ folder နှစ်ခုဆောက်ထားတယ်။ တစ်ခုက ဒီနေ့ဖတ်စရာ၊ နောက်တစ်ခုက အမှတ်ခြစ်ပြီးသား စာမေးပွဲ (သို့) လေ့ကျင့်ခန်းအဖြေလွှာတွေ။ နောက်ကျောင်းသားတစ်ယောက်ကတော့ ဒီနေ့ဖတ်ပြီးသားစာတွေကို subject အလိုက် folder တွေ အရောင်ခွဲပြီးစုထားတဲ့အခါ စာမေးပွဲနီးတဲ့အခါ ပြန်ရှာဖတ်ရတာလွယ်ပါတယ်တဲ့။ ကိုယ်ပိုင်သီးသန့် စာကြည့်စရာနေရာမရှိတဲ့ ကျောင်းသားတွေတောင် စနစ်တကျထားသိုနိုင်ပါတယ်။ လွယ်အိတ်တစ်အိတ်၊ အံဆွဲတစ်လုံးထဲမှာ အသုံးလိုမယ့်ပစ္စည်းလေးတွေ စုထည့်ထားရင် အချိန်ကုန်သက်သာပါတယ်။ စာဖတ်နည်းလမ်းကောင်းတွေ လေ့လာပါ။ အိုကလာဟိုးမားပြည်နယ် Moore မှ ကျောင်းပြီးခဲ့သူ Christopher Campbell က “ကျွန်တော်တက်ခဲ့သမျှ အတန်းတွေထဲမှာ စာအမြန်ဖတ်နည်းအတန်းက အကောင်းဆုံးပါပဲ။ တစ်မိနစ်အတွင်းဖတ်နိုင်တဲ့စာလုံးရေတိုးလာသလို စာအုပ်ကိုဖွင့်လိုက်တာနဲ့ မာတိကာ၊ ရုပ်ပြပုံ၊ ဇယားတွေကို ဦးဆုံးလှန်ကြည့်တတ်တဲ့ အကျင့်ရသွားပါတယ်။ တကယ်စာဖတ်ပြီဆိုတာနဲ့ ခြုံငုံမိသွားပြီလေ၊ ကြာကြာလည်းခံတယ်ဗျ။” Gordon W. Green အငယ် ရေးတဲ့ Getting Straight A’s စာအုပ်မှာ စာဖတ်ခြင်းရဲ့ သော့ချက်က Active reader တစ်ယောက်ဖြစ်ဖို့ပါ။ Active reader ဆိုတာ စာဖတ်နေစဉ် စိတ်ထဲမှာ မေးခွန်းတွေ တရစပ်မေးနေဖို့ပါ။ မေးခွန်းတွေမေးလိုက်၊အဖြေရှာလိုက်နဲ့ စာကို ကောင်းကောင်းကျေလည်သွားပါတယ်။ အချိန်ဇယားဆွဲပါ။ ဆရာက အိမ်စာ၊ စာတမ်းတစ်ခု လုပ်ခိုင်းလိုက်တာနဲ့ Domenica Roman က အချိန်ဇယားတစ်ခုဆွဲလိုက်ပါတယ်။ အလုပ်ကို အချိန်ပိုင်းလေးတွေခွဲပြီး စီစဉ်ထားတော့ ဝန်ထုပ်ဝန်ပိုးမဖြစ်တော့ပါဘူး။ “အသားတုံးစားရသလိုပဲ၊ တစ်လုပ်စာကိုက်ပြီး ဝါးတာပေါ့” Melendres က စာတမ်းတင်ရတော့မယ်ဆိုရင် ရှာဖွေပြုစုတဲ့ကိစ္စ၊ အကြမ်းရေးခြစ်တဲ့ အလုပ်တွေအရင်လုပ်တယ်။ အပြီးသတ်အချောကို တစ်ပတ်တည်းနဲ့ပြီးအောင်လုပ်ပါတယ်။ “စာရွက်ပေါ်မြန်မြန်ရေးချထားမှ။ ဒါမှ ပြင်ဆင်ဖို့၊ သဖို့ အချိန်ရတာပေါ့။” ထိပ်တန်းကျောင်းသားတွေလည်း တစ်ခါတစ်လေ အချိန်ဆွဲတာ၊ ရွှေ့ဆိုင်းတာရှိတာပေါ့။ ဒါပေမယ့် အချိန်ဆွဲမိပြီဆိုတာနဲ့ အမြန်ဆုံးရင်ဆိုင်ဖြေရှင်းပစ်ကြတာပါပဲ။ Layman High School က အားကစားသမား၊ ကျောင်းသားသမဂ္ဂအဖွဲ့ဝင်၊ ထိပ်တန်းကျောင်းသားတစ်ယောက်ဖြစ်သူ Christi Anderson က “တစ်ခါတစ်ခါ ညဥ့်နက်တဲ့အထိ ဖြိုယူရတယ်” လို့ဆိုပါတယ်။ “အဆင့်ကောင်းကောင်းလိုချင်ရင်တော့ အချိန်မီပြီးဖို့ အားထုတ်ရမှာပဲ။” မှတ်စုကောင်းကောင်းထုတ်ပါ။ သုံးပါ။ Melendres ရဲ့အဆိုအရ “textbook ကြီးတွေဖတ်တာကောင်းပါတယ်။ ဒါပေမယ့် စာမေးပွဲဆိုတာက ဘယ်အပိုင်းတွေကို ဦးစားပေးဖတ်မှတ်တတ်တာကို စစ်တာပဲလေ၊ ဒီတော့ မှတ်စုထုတ်ရတာပေါ့နော်။” သူတို့က text assignment တွေကိုလည်း မှတ်စုထုတ်ကြပါတယ်။ David Cieri ရဲ့ ‘လက်ဖြစ်’ မှတ်စုထုတ်နည်းက မှတ်စုစာအုပ်အလယ်မှာ မျဉ်းတစ်ကြောင်းဆွဲလိုက်တယ်။ textbook ထဲက အတိုချုပ်စာတွေကို တစ်ခြမ်းမှာရေးတယ်။ နောက်တစ်ခြမ်းမှာ လက်ချာမှာသင်သွားတဲ့ အချက်တွေရေးတယ်။ စာတစ်ခါဖတ်ရုံနဲ့ အကြောင်းအရာတစ်ခုအတွက် အမြင်နှစ်မျိုးနဲ့ ဖတ်တတ်သွားတယ်။ ကျောင်းဆင်းခေါင်းလောင်းမထိုးခင်မှာပဲ ကျောင်းသားတွေ စာအုပ်ပိတ်၊ လွယ်အိတ်ထဲ ထိုးထည့်၊ တီးတိုးစကားပြောလို့ အိမ်ပြန်ဖို့အသင့်ပြင်ကြပြီ။ Anderson ကတော့ အဲဒီမိနစ်ပိုင်းလေးမှာပဲ ဒီနေ့သင်သွားတဲ့ စာတွေရဲ့ အဓိကမှတ်မိရမယ့် အချက်တွေကို စာနှစ်ကြောင်းသုံးကြောင်းလောက် ချရေးလိုက်တယ်။ နောက်နေ့ အတန်းမစခင်ပြန်ဖတ်ဖို့အတွက်ပါ။ သန့်သန့်ရှင်းရှင်း၊ သပ်သပ်ရပ်ရပ်။ သေသပ်ကျနတဲ့ အဖြေလွှာတွေဟာ ဖြစ်ကတတ်ဆန်း စာရွက်တွေထက် ရမှတ်ကောင်းလေ့ရှိပါတယ်။ “သန့်ရှင်းသပ်ရပ်တဲ့ အဖြေလွှာဟာ အဆင့်ကောင်းကောင်းရဖို့ ပိုသေချာတယ်။ Cheeseburger တည်ခင်းသလိုပဲ၊ မုန့်အရသာဘယ်လောက်ကောင်းကောင်း၊ ပန်းကန်ညစ်ညစ်ပတ်ပတ်ကြီးနဲ့ တင်ကျွေးရင် မြည်းကြည့်ချင်မှာမဟုတ်ဘူး။” ပြောရဲဆိုရဲရှိပါ။ “Economics အတန်းမှာ ဆရာသင်ပေးတဲ့ အကြောင်းအရာကို နားမလည်ရင် ပြန်ပြောပြခိုင်းတာပဲ။” လို့ Christopher Campbell ကဆိုပါတယ်။ အတန်းထဲမှာ တက်တက်ကြွှကြွှပါဝင်တယ်ဆိုတာ မေးခွန်းတွေမေးနေရုံနဲ့ မပြီးသေးပါ။ ဘယ်လောက်စိတ်ဝင်စားတယ်ဆိုတာ ပြဖို့လိုပါသေးတယ်။ Melendres ကတော့ အရင်းရှင်ဝါဒနဲ့ ဆိုရှယ်လစ်ဝါဒ အကြောင်းသင်ကြားတဲ့ လက်ချာမှာ တရုတ်တွေကျတော့ ဆိုရှယ်လစ်ဖြစ်ပြီး ဈေးကွက်စီးပွားရေးလည်းကျင့်သုံးနေတယ်၊ ဆိုဗီယက်ယူနီယံ ပြိုကျခဲ့သလို ပြသနာတွေလည်းမကြုံခဲ့ရပါလားလို့ ဆရာ့ကိုမေးပါတယ်တဲ့။ စာမေးပွဲအတွက်ပဲ စာတွေအလွတ်ကျက်ပစ်ဖို့ စိတ်မဝင်စားဘူး လို့လည်းဆိုပါတယ်။ “Better grades come from better understanding” လူစုပြီးစာလုပ်ပါ။ Berkeley က University of California ကျောင်းသား Uri Treisman ရဲ့အဆိုအရ Calculus သင်္ချာတန်းမှာ အာရှနွယ်ဖွားကျောင်းသားတွေက ပညာအရည်အချင်းတူတူ လူမျိုးခြား ကျောင်းသားတွေထက် ရမှတ်ကောင်းလေ့ရှိပါတယ်။ အာရှနွယ်ဖွားကျောင်းသားတွေဟာ ခက်ခဲတဲ့ ပုစ္ဆာတွေတူတူတွက်ကြတယ်။ တစ်ယောက်တစ်မျိုးစီတွက်ကြပြီး အဖြေရအောင်တွက်နိုင်သူက ပြန်ရှင်းပြကြတယ်။ အဲဒီအချိန်မှာ သူများတွေက တစ်ယောက်တည်းတွက်ပြီး မေးခွန်းကိုအထပ်ထပ်အခါခါဖတ်လိုက်၊ အဖြေမထွက်တဲ့ တွက်နည်းကိုပဲ အခေါက်ခေါက်အခါခါ တွက်လိုက်နဲ့ အချိန်တွေကုန်ကြတယ်။ ခိုင်းတာထက်ပိုလုပ်ပါ။ Christi Anderson က သင်္ချာဆရာ ငါးပုဒ်အိမ်စာပေးလိုက်ရင် ဆယ်ပုဒ်တွက်တယ်။ ကမ္ဘာ့သမိုင်းဆရာ ရှစ်မျက်နှာဖတ်ခိုင်းရင် ဆယ့်နှစ်မျက်နှာဖတ်လာတယ်။ “စာလုပ်တယ်ဆိုတာ လေ့ကျင့်တာလည်းပါတယ်။ များများလေ့ကျင့်လေ၊ များများမှတ်မိလေပဲ။” ထူးချွန်ကျောင်းသားတွေရဲ့ အဓိကလျှို့ဝှက်ချက်က သိပ်မှန်းရမခက်ပါဘူး။ မိဘတွေရဲ့အထောက်အပံ့က အဓိကပါပဲ။ မွေးကတည်းက စာဖတ်ဝါသနာပါအောင် ရိုက်သွင်းပေးကြတယ်။ အဆင့်ကောင်းကောင်းမှန်းခိုင်းတယ်။ ရအောင်လည်းကူပေးတယ်။ စာကြိုးစားအောင် တွန်းအားပေးပေမယ့် စာတော့ကူမလုပ်ပေးကြဘူး။ အချုပ်ကတော့ ကလေးတွေကုို ကိုယ့်ကိုကိုယ်တာဝန်ယူနိုင်အောင် လေ့ကျင့်ပေးလိုက်တာပါပဲ။ ကိုးကား။ ။ Readers’ Digest Asia http://www.rdasia.com/secrets-of-straight-a-students