ရှောင်တခင် အဘိဓမ္မာ

အင်ဒိုနီးရှားနိုင်ငံ ယိုဂျာကာတာ၊ ဂက်ဂျာမာဒါ တက္ကသိုလ်မှာ ဆေးကျောင်းတက်နေစဉ်ကာလများမှာ စာကျက်လိုက်၊ အတန်းတက်လိုက်နဲ့ပဲ အချိန်ကုန်ခဲ့တာပေါ့။ ဆေးရုံမှာလည်း လူနာတွေနဲ့ စကားများများစားစားမပြောဖြစ်ပါဘူး။ နောက်ဆုံးနှစ်မှာ ဒေါက်တာဆာဂျီတိုဆေးရုံကြီး ဦးနှောက်နှင့်အာရုံကြောကုသဆောင်ကို ရောက်ပါခဲ့တယ်။ ပဋိသန္ဓေတားဆေးများစားသုံးခြင်းကြောင့် လေဖြတ်နိုင်တဲ့ အန္တရာယ်ရှိကြောင်း Thesis တင်စရာရှိတာနဲ့ အချက်အလက်တွေစုနေခဲ့တယ်။ ဦးနှောက်ကိုသွားတဲ့ သွေးကြောပိတ်လို့ လေဖြတ်ခြင်းကို အဓိကလေ့လာတာပါ။ ဒီနည်းနဲ့လေဖြတ်တဲ့ နှုန်းကပိုများပါတယ်။ ဆေးရုံမှာ လေဖြတ်တဲ့ လူနာလာတာနဲ့ ပဋိသန္ဓေတားဆေးသုံးဖူးလား မေးစမ်းကြည့်ရတာပေါ့။ ဖြည်းဖြည်းချင်းစုရတာပေါ့ဗျာ။ ပြီးခဲ့တဲ့ အောက်တိုဘာ၊ မိုးအေးအေးညနေခင်းတစ်ခုမှာ စာတမ်းအတွက်နောက်ဆုံးသုံးယောက်ပဲလိုတော့တာနဲ့ လူနာဆောင်ထဲ အသည်းအသန်လိုက်ရှာခဲ့တာ။ မှတ်တမ်းမှာ အသက် ၄၃ နှစ်၊ ဒေါ်A ဆိုတဲ့ လေဖြတ်လူနာတစ်ယောက်ရှိတယ်လို့တွေ့မိတယ်။ မေးခွန်းစာရွက်လေးတွေကိုင်ပြီး သူရှိမယ့်အခန်းကိုသွားတယ်။ ရောက်သွားတော့ တိတ်ဆိတ်လို့၊ ဘယ်ဆရာဝန်၊ သူနာပြုမှ မရှိဘူး။ ကုတင်ရှစ်လုံးရှိတဲ့သူ့အဆောင်ထဲမှာ မီးမှိန်မှိန်လေးထွန်းလို့၊ ပြုတင်းပေါက်အလွန်မှာ တိမ်မည်းတွေ မိုးပေါက်တွေ သည်းထန်နေလေရဲ့။ အေးစိမ့်စိမ့်လေထဲ ရင်းနှီးပြီးသား ဆေးရုံနံ့လေး သင်းနေတယ်။ နာလန်ထဖို့ ခနော်ခနဲ့ အားယူနေဆဲ ဒေါ်A ဟာ ခုတင်အမှတ် 4B မှာရှိတယ်။ ဘေးမှာဆွေမျိုးတွေ၊ မိတ်ဆွေတွေစောင့်နေတာလည်းမရှိ။ သူ့ဘေးကုတင်တွေမှာလည်း လူနာမရှိ။ ကုလားထိုင်မှာ အသာဝင်ထိုင်ပြီး ကျွန်တော်ဘယ်သူဆိုတာမိတ်ဆက်တယ်၊ နေကောင်းရဲ့လားလို့လည်း မေးလိုက်တယ်။ ကောင်းလာပါပြီလို့တော့ ဖြေရှာပါတယ်။ ဒါပေမယ့် ဘယ်ဘက်တစ်ခြမ်းကတော့ အားနည်းနေတုန်းပဲတဲ့။ သိချင်တာလေးတွေရှိသေးလို့ မေးပါရစေလို့ ခွင့်တောင်းတော့ သဘောတူပါတယ်။ မေးခွန်းစာရွက်ထဲမှာ “yes” “no” ဖြေရတဲ့ မေးခွန်းသုံးခုတည်းရယ်ပါ။ အဖြေရပြီးတာနဲ့ နောက်လူတွေထပ်မေးဖို့ မတ်တပ်ရပ်လိုက်ချိန်မှာ ဒေါ်A က လေသံတိုးတိုးပျော့ပျော့လေးနဲ့ ပြောလာတယ်။ “ဒေါက်တာက အသစ်လားဟင်၊ အရင်ကမတွေ့ဖူးဘူး။” “မဟုတ်ဖူးခင်ဗျ၊ ကျွန်တော်ဒီကို သိပ်မရောက်ဖြစ်လို့ပါ။” ကျွန်တော်ဘယ်ကလဲ၊ ဘာလို့ညနေစောင်းအထိ အလုပ်ကြိုးစားနေတာလဲ စသည်ဖြင့်ဆက်မေးပါတော့တယ်။ သူ့လိုလူနာတစ်ယောက်က ဒီလိုစကားများများပြောချင်စိတ်ရှိတာတွေ့ရတော့ အံ့အားသင့်မိပါတယ်။ “ဒေါက်တာ၊ ကျွန်မပုံမှန်ပြန်ကောင်းနိုင်ပါ့မလား။” ကျွန်တော်သူ့ကိုအနီးကပ်ကုသခွင့်ရှိပြီး သူ့မေးခွန်းကို အကောင်းဆုံးဖြေပေးချင်လိုက်တာလို့ ဘုရားထံ ချက်ချင်း ဆုတောင်းမိတယ်။ ကျွန်တော်သူ့ရောဂါအကြောင်းအသေးစိတ်မသိကြောင်း၊ သိထားသမျှလေဖြတ်ဝေဒနာရှင်များကတော့ ရောဂါအခြေအနေပေါ်မူတည်ပြီး ပြန်လည်သန်စွမ်းဖို့ အနှေးအမြန်ခြားနားကြောင်းရှင်းပြရပါတယ်။ ကျွန်တော်ဟာ ဆေးကျောင်းသားသာဖြစ်တာကြောင့် အလွန်အကျွံအသေးစိတ်ရှင်းမပြဝံ့ပါဘူး။ ဒေါ်A ကတော့ သူ့အကြောင်းတွေမနားတမ်းဆက်ပြောနေတာ။ မူလတန်းအရွယ်ကလေးသုံးယောက်ရှိတယ်။ ခုဆိုအိမ်နီးချင်းတွေပဲအပ်ထားရတာ။ “ကျွန်မ အမျိုးသားဆုံးသွားတာ တစ်နှစ်ရှိပြီ။ ကျွန်မပဲရှာဖွေနေရတာ။ ကျွန်မတို့မချမ်းသာပါဘူး။ သန့်ရှင်းရေးလုပ်လို့ ရတဲ့ငွေလေးကလည်း သားအမိတွေလောက်ငှတယ်ဆိုရုံပါ။” ကျွန်တော်လည်းဘာပြောရမှန်းမသိတော့ပါ။ သူ့ပြောတာငေးကြည့်နေရင်း ပြီးခဲ့တဲ့စာသင်နှစ်တွေတုန်းက ကြားခဲ့ဖူးတဲ့ ပေါင်းသင်းဆက်ဆံရေးသင်ခန်းစာတွေ ပြန်စဉ်းစားနေတာ။ ခက်တာက ဘာမှမမှတ်မိတော့ဘူး။ ငါအဲဒီတုန်းက ဘာကြောင့်ကောင်းကောင်း နားမထောင်ခဲ့တာလဲလို့ ကိုယ့်ကိုယ်ကိုယ်ပြန်ကျိန်ဆဲမိပါရဲ့။ အလိုအလျောက် ဒေါ်A ရဲ့လက်ကိုဆုပ်ကိုင်လျက်သားအားပေးမိတယ်။ ဘာမှဝင်ပြောစရာမတွေ့တာနဲ့ သူပြောတာငြိမ်ငြိမ်လေး နားထောင်ပေးနေလိုက်တယ်။ သူကလည်း နားထောင်စေချင်တဲ့ပုံပါပဲ။ ဒီလိုနဲ့ မိနစ်၂၀လောက်ကြာသွားတယ်။ သူ့အခက်အခဲတွေ၊ ဝမ်းနည်းကြေကွဲဖွယ်ရာတွေ၊ ယဉ်မတော်တဆမှုကြောင့်ဆုံးပါးသွားရတဲ့ ခင်ပွန်းအကြောင်း၊ ငွေရှာရဖို့ ဘယ်လောက်ရုန်းကန်ရကြောင်း ပြောရှာတယ်။ သူသာ အခြေအနေမကောင်းရင် သူ့ကလေးတွေဘယ်လိုနေရှာမလဲဆိုပြီး တွေးပူနေတယ်။ ကျွန်တော်လုပ်ပေးနိုင်တာက နွေးထွေးစာနာစွာ ခေါင်းညိတ်ထောက်ခံပေးရုံပါပဲ။ ဒီလိုနဲ့ စကားဝိုင်းပြီးသွားတဲ့အခါ “ပြဿနာသောင်းခြောက်ထောင် ငြီးပြဖို့ ခေါ်ထားမိတာအားနာလိုက်တာ။ ခုတော့ ရင်ထဲပေါ့သွားတာပဲ။ ရင်ဖွင့်ဖို့ အဖော်ကိုမရှိတာပါ။” သူမမျက်လုံးထဲက မျက်ရည်တစ်ပေါက်လိမ့်ဆင်းလာတယ်။ သူ့လက်တစ်ဖက်ကိုဆုပ်ကိုင်ရင်း ဆံစတွေ သပ်ပေးနေလိုက်တယ်။ “ရပါတယ်ဗျာ။ အပန်းမကြီးပါဘူး။ဒါလည်း တာဝန်တစ်ခုပဲလေ။” “ကျေးဇူးပါဒေါက်တာရယ်၊ ကျေးဇူးအများကြီးတင်ပါတယ်။” လက်လွှတ်၊ မတ်တပ်ရပ်ရင်း စောင်ခြုံပေးလိုက်တယ်။ လက်ပြနှုတ်ဆက်ပြီး ထွက်လာခဲ့တယ်။နောက်ရက်တွေဆေးရုံလာရင်း သူ့ဆီသွားကြည့်တော့ ဆေးရုံကဆင်းသွားပါပြီ။ လေ့ကျင့်ခန်းအများကြီးဆက်လုပ်စရာမလိုလောက်အောင် တိုးတက်လာလို့ ပေးဆင်းလိုက်တာပါ။ ဆရာဝန်တစ်ယောက်အတွက် တန်ဖိုးကြီးအတွေ့အကြုံတစ်ခုရခဲ့ပါတယ်။ လူနာတွေဟာ တစ်ခါတစ်လေ အကောင်းစားဆေးတွေ၊ ကြီးကျယ်ပေ့ဆိုတဲ့ နည်းပညာတွေ မလိုပါဘူး။ သူတို့ပြောတာကို စိတ်ရှည်ရှည်လိုလိုလားလား နားထောင်ပေးမယ့်လူတစ်ယောက်သာလိုပါတယ်။ ကျွန်တော့်အတွက်တော့ ဂရုတစိုက်နားထောင်ခြင်းဟာ ဆရာဝန်တစ်ယောက်အကောင်းဆုံးလုပ်ပေးနိုင်တာတစ်ခုပါပဲ။ RDasia.com မှ "Unexpected Teacher" ကို တိုက်ရိုက်ပြန်ဆိုပါသည်။ မူရင်းစာရေးဆရာ မူဟာမက် ဖာရပ်ဇ် ဘင် အဗ္ဗဒူလာ ဟာ ဂါဂျာ မာဒါဆေးတက္ကသိုလ်မှာ သင်ကြားနေတဲ့ ၂၄နှစ်အရွယ် ဆေးကျောင်းသားဖြစ်ပါတယ်။ နောက်နှစ်မှာ ကျောင်းပြီးတော့မယ်လို့ဆိုထားပါတယ်။